استغاثت أم مالك، من محافظة القاهرة، بعد طرد أهل زوجها لها بعد وفاة زوجها، حيث عرضوا عليها الزواج من شقيق زوجها وإلا ستخرج من المنزل هي وأبناؤها.
وقالت أم مالك، 32 عاما، إن زوجها توفي قبل 8 أشهر، مضيفا: أهل زوجي بعد وفاته أخدوا البيت اللي كنا عايشين فيه والعربية بتاعتنا ومسابوش لولاده أي حاجة، وقالولي يا إما تعيشي معانا وتتجوزي أخو زوجك يا إما هنحرم ولادك من التعليم.
وأضافت أم مالك أنها اقترضت ديونا بـ 250 ألف جنيه حتى تستطيع الإنفاق على أبنائها وتوفر معيشة لهم، مضيفة: مش خريجة ولا معايا أي شهادة أقدر أشتغل بها.
وتابعت أم مالك أن لديها 4 أبناء، ونفسيتهم تأثرت كثيرا بعدما طردهم أهل والدهم من منزلهم، مضيفة: نفسية ولادي تعبانة جدا وبيقولولي عاوزين نرجع نعيش في بيتنا زي زمان.
واستكملت أم مالك: بناشد أهل الخير يساعدوني علشان مليش حد أروح له، ونفسي ولادي يتربوا ويعيشوا حياة كويسة ومحترمة، وأنا مش قادرة أصرف عليهم.
