مات مرتين.. الفنانة فريدة سيف النصر تكشف عن تعرض شقيقها لوعكة صحية| بث مباشر

كشفت الفنانة فريدة سيف النصر، تفاصيل تعرض شقيقها لوعكة صحية شديدة خلال الأيام الماضية، موضحة أن عضلة قلبه توقفت مرتين وخضع للإنعاش.

فريدة سيف النصر تكشف تفاصيل تعرض شقيقها لوعكة صحية 

وقالت سيف النصر، لـ القاهرة 24: أخويا دخل المستشفى كان عنده مشاكل في الكلى ومياه على الرئة، وعضلة القلب شغالة بكفاءة 10%، كان اتحسن في الرعاية وطلب يشرب عصير وفي ثواني قلبه وقف، أخويا مات مرتين وعملوا له إنعاش، ده كان أسد ورياضي، بطلب من الجمهور الدعاء له بالشفاء وربنا يطمني عليه.

واستنكرت الفنانة فريدة سيف النصر، منع الزيارة عن شقيقها بعد تدهور حالته الصحية، وكتبت عبر فيس بوك: طيب وكله اضطر يروح بأوامر الطبيب، تخيل نفسك تكبر وتبقى في نفس الحالة ويتقال لكم زي ما قولتم إحنا عملنا اللي علينا ادعوا له فقط، كلامكم معناه خلاص.. طيب لما عارفين ما تسيبوهم يشوفوا حبايبهم ولا هو عذاب من كله.

وأضافت: يا ترى هتنفذوا الأوامر ولا دكاترة وها تجاملوا بعض؟، رجاء لله.. سيبوا المرضى اللي أنتم عارفين أنه خلاص يودعوا حبايب قلوبهم التعب ما يبقاش من كله، كفاية روتين خلوها إنسانيات، تحت الأرض كلنا تراب مش هنميز حد.. خلونا نشوف ملامحهم قبل التراب ما يختلط على بعضه.. لا حول ولا قوة إلا بالله العلي العظيم.