وجّه الكابتن إكرامي الشحات، نجم الأهلي السابق، رسالة مؤثرة إلى الكابتن محمود الخطيب، رئيس النادي الأهلي، مطالبًا إياه بالاستمرار في منصبه وعدم التراجع عن خوض الانتخابات المقبلة.
وقال إكرامي في تصريحاته تلفزيونية:”يا كابتن محمود، لازم تكمل.. ماينفعش تسيب المركب في الوقت ده، ولازم تكمل حلمك الكبير ببناء استاد الأهلي. ده مشروعك الشخصي، والناس مستنياك تفتتحه بنفسك.”
وأضاف:”الخطيب قيمة كبيرة وتاريخ مشرف، وصعب جدًا يرتبط اعتذاره عن الترشح بتصريحات أو مواقف من أشخاص آخرين، زي الكابتن حسام غالي مثلًا.. إلا إذا كان السبب فعلاً صحي.”
وختم قائلاً:”كلنا عارفين إنك بتشتغل بإخلاص، ووجودك مهم في المرحلة دي. أتمنى استمرارك علشان تستكمل اللي بدأته.”
