علق محمد بسطويسي، عامل سيرك طنطا، على تصالحه مع أنوسة كوتة، وتنازله عن القضية المقامة أمام محكمة جنح مستأنف أول طنطا، بعد الاتفاق على تسوية ودية تضمنت حصوله على مبلغ مالي قدره 400 ألف جنيه.
وقال عامل سيرك طنطا، إن الاتفاق بدأ بينهما بـ130 ألف جنيه حتى وصل إلى 300 ألف جنيه، ليحصل في النهاية على مبلغ 400 ألف جنيه منها كتعويض مادي عن فقد ذراعه.
وتابع عامل سيرك طنطا: أنوسة كوتة كلمتني إمبارح وقالتلي أنت زي أخويا، والظروف أحيانا بتضطرنا نعمل حاجات بايخة، ولو احتاجت أي حاجة في أي وقت كلمني.
وأضاف عامل سيرك طنطا: الصلح خير وأنوسة زي أختي ومش عاوز أذيها أو أعطل لها شغلها، وأنا وافقت بالمبلغ علشان أتعالج به وليس كتعويض عن ذراعي؛ لأن الفلوس دي أكيد مش هتغيرلي حياتي لكن هتساعدني أتعالج.. وأنا مسامحهم وعفا الله عما سلف.
واستكمل: بشكر القضاء وكل المسئولين والناس اللي وقفوا جنبي، ومش مسامح أي حد اتريق عليا أو استهزأ بيا.
