تحدث الفنان أحمد سعد عن الكثير من جوانبه الشخصية وتفاصيل عن حياته الشخصية، وذلك خلال لقائه مع الإعلامية منى الشاذلي في برنامج معكم، حيث قال إن أمنيته الأكبر هي التقرب من الله.
تصريحات أحمد سعد مع منى الشاذلي
وقال أحمد سعد: أكتر حاجة ببحث عنها دلوقتي هو إني أقرب من ربنا، مش عايز أي حاجة تانية، لا شهرة ولا نجاح، كل اللي بدور عليه هو السلام النفسي.
وأضاف الفنان أحمد سعد أنه فضل الذهاب إلى طبيب نفسي من أجل اكتشاف شخصيته، قائلًا: كنت حابب جدًا أروح لطبيب نفسي عشان أكتشف شخصيتي، كنت مش مستمتع رغم إن عندي كل العوامل اللي المفروض تخليني سعيد، لكن كنت تايه ومش لاقي نفسي.
وواصل: كان عندي تساؤلات كتير محتاجة إجابة، وكنت بعيش بشخصية مش بتاعتي عشان أرضي الناس، كنت دايمًا بحاول أرضي الناس على حساب نفسي، وده خلاني أفقد الاتصال بشخصيتي الحقيقية، وكنت فاكر إن ده هيخليني محبوب، لكنه خلاني تايه أكتر.
وأوضح الفنان أحمد سعد أنه كان يوجد خلاف بينه وبين أسرته بسبب حبه للفن، معلقًا: وقتها كان عندي 14 سنة واخترت إني أروح أغني في الأفراح وهربت من البيت، ولو الزمن رجع بيا مكنتش سبت البيت.
