كشف المخرج محمد سامي، تفاصيل مسلسله الجديد “رد كليتي”، وذلك بعد إعلان عودته من قرار اعتزال الإخراج التليفزيوني مؤخرًا، مؤكدًا إنه لم يقرر حتى الآن المشاركة في السباق الرمضاني المقبل لعام 2026.
هل محمد سامي سيقدم بوجي المتعافي من المخدرات في مسلسله الجديد؟.. المخرج يكشف التفاصيل
وقال محمد سامي، في تصريحات لـ القاهرة 24: أنا تحمست لفكرة المسلسل وأنا قاعد بكتب، لقيت إن أنا ماسك موضوع وربنا سبحانه وتعالى كارمني بموضوع قريب من القلب ويوصل للقلب، وتلقيت دعم نفسي غير عادي من الناس، وقريت كومنتات إنه عن قصة بوجي، ودخلت وشفت لقاءه والموضوع ملوش علاقة بقصة بوجي خالص، ولا من قريب ولا من بعيد.
وأضاف المخرج محمد سامي: اسم المسلسل اللي هو “رد كليتي” بنسبة 90% هيتغير، أنا حطيته عشان يدي انطباع معين مبدئي عند الجمهور، والاسم الجديد هيخلي الجمهور يفكر أكتر، ولسه مش عارف الموضوع هيكون امتى، الناس مفكرة أني هكون موجود في رمضان ده، لسه معرفش مين أبطاله أو اي تفاصيله أنا في حساباتي أني اكتب مشروع جيد جدًا فقط.
