سادت حالة من الغضب والاستياء بين أولياء الأمور في منطقة المطرية بمحافظة القاهرة، بعد تكرار وقائع اعتداء وسرقة يتعرض لها الطلاب أمام مدرسة عمر بن الخطاب الثانوية بشارع الأربعين، على يد 3 شباب وصفهم الأهالي بـ البلطجية.
أولياء الأمور يكشفون التفاصيل
وقال والد الطالب فارس ماجد: ابني تاني يوم دراسة اتعرض لعملية سرقة بالإكراه وهو ماشي بجانب مدرسة عمرو بن الخطاب بشارع الأربعين.. ابني كان ماشي من شارع جانبي عشان يدخل المدرسة لأن باب المدرسة كان في شارع جانبي.
واستكمل والد الطالب فارس: طلع عليه 2 بلطجية فجأة حطوا إيديهم على كتفه وقالوله طلع اللي في جيبك، ولما قالهم في إيه قالولوا طلع اللي في جيبك عشان منعوركش وكان في كذا واحد تبعهم واقفين على الرصيف.
وأضاف والد فارس ماجد: قبل ما ابني يفكر يعمل حاجة حطوا إيديهم في جيبه، وخدوا منه الفلوس كان لسه واخد فلوس الكتب ومصاريف المدرسة، والمبلغ اللي خدوه حوالي 1500 جنيه.
ونوه والد فارس: المدرسة مش بإيديها حاجة ولا هتعرف تحمي الأولاد برا المدرسة بتحميهم وهما جوه المدرسة لكن خارج المدرسة ملهمش سُلطة.
