علقت الفنانة لقاء سويدان على تحريرها محضرا في قسم شرطة قصر النيل ضد مطعم “الأغا” الشهير بمنطقة الزمالك.
لقاء سويدان تكشف تفاصيل بلاغها ضد أحد مطاعم الزمالك بسبب ساندوتش شاورما فاسد
وقالت لقاء سويدان، لـ القاهرة 24: كنت في لقاء تلفزيوني وأنا راجعة جوعت في الطريق فعديت أجيب ساندوتش شاروما، لكن اتفاجئت إن ريحته غريبة وصعبة جدا ولا تطاق، فرجعت المحل تاني قولتله الفراخ دي بايظة، قالي لا هي كويسة ودي ريحة التومية، قولتله خلاص أنا هرجع أروح القسم وأعمل فيكم محضر.
وتابعت: لقيته قالي خلاص اهدي وقولي إي يرضيكي، قولتله اللي يرضيني إنك تشيل سيخ الشاورما دا وترميه علشان مفيش حد ياكل منه ويجيله تسمم، لكنه رفض وقعد يقولي إي يرضيكي انتي، روحت سايباه وروحت عملت محضر في القسم.
واستكملت: لازم يتاخد إجراء ضد الناس دي لإنها بتاخد منا فلوس مش قليلة، أنا شاريه الساندوتش بأكثر من 150 جنيه.. ولحد دلوقتي معدتي بتوجعني من قطمة أومال لو أكلته كله كان هيحصل إي!
