علق الإعلامي باسم يوسف على إعلان شبكة ON اليوم عن تعاونها معه كضيف في سلسلة حلقات خاصة يستضيفه من خلالها الإعلامي أحمد سالم في برنامج كلمة أخيرة.
وكتب باسم يوسف عبر حسابه الشخصي على موقع التواصل الاجتماعي فيس بوك: طيب يا جماعة عشان الكلام كتير والإشاعات كتير، أنا زي ما شوفتوني أول مرة في أوضة الغسيل من مصر حتشوفوني تاني على شاشات التليفزيون المصري من أوضة الغسيل من لوس أنجلوس، حكون ضيف أحمد سالم في برنامج كلمة أخيرة عبر الأقمار الصناعية أو راوتر الإنترنت.
وأضاف: في حوار حصري يوم 7 أكتوبر، حنتكلم عن رحلتي الكام سنة اللي فاتت وحنقول شوية حكايات لطيفة عن ما وراء الكواليس في كل الأخبار واللقاءات اللي طلعت فيها، أسرار تنشر لأول مرة أو لتاني مرة عادي، أكشن، دراما، مقاطع بلوتوث ساخنة، أما موضوع إني واخد 22 مليون جنيه ده فبصراحة ده خبر عجيب جدا، يا ريت نتحرى الدقة، أنا واخد 22 مليون دولار، عيب كده.
