سيطرت حالة كبيرة من الحزن على أسرة شهيد العمل محمد خميس، والذي لقي مصرعه في حادث انفجار مجمع بلوف في خط الغاز بمنطقة أبو سلطان.
ضحايا حادث مجمع البلوف
وقالت زوجة محمد خميس إن زوجها يعمل باليومية وكان معروفًا بإخلاصه في العمل، لافتة إلى أنه كان يجتهد ويسعى كثيرًا من أجل تحسين دخله وتلبية احتياجات أبنائه.
وتابعت: محمد كان بيشتغل باليومية وعمره ما قصر في حق شغله، كان بينزل يشتغل حتى لو تعبان عشان يحسن دخله، كان أطيب حد في الدنيا بشهادة كل الناس، كان محترم وأحن حد علينا وعلى ولاده، مكنش حارمهم من أي حاجة وبيشقى عشان يجيب لهم كل حاجة.
وأضافت زوجة محمد خميس أنها تعاني من إصابتها بمرض السرطان وزوجها هو الذي كان يرعاها، حيث كان يقف بجانبها في تلك المحنة الصعبة لتقديم الدعم اللازم لها ومساندتها.
واختتمت حديثها: أنا مريضة سرطان وهو اللي كان بيراعني ويقف جنبي، دلوقتي مبقاش فيه حد معايا وهو كان كل حاجة ليا، كانت بقى عنده شقة تمليك عشان ميبهدلش ولاده، خصوصًا إننا ساكنين في شقة إيجار والمفروض هنمشي منها آخر السنة ومش عارفة هعمل إيه.
