أعلن مطرب المهرجانات مسلم منذ قليل، طلاقه من زوجته يارا تامر عبر ستوري نشرها على حسابه الرسمي في موقع تبادل الصور والفيديوهات إنستجرام.
مسلم يعلن انفصاله عن يارا تامر
وكتب مسلم عبر حسابه على إنستجرام: تم الطلاق بيني وبين مراتي ودا بسبب مشاكل أهلي وفضحتني قدام الناس، حسبي الله ونعم الوكيل في اللي كان السبب وخلى بينا مشاكل وكلام زي الزفت في السمعة والشرف والأعراض.
وأضاف: حلم واحدة إنها تعيش مبسوطة لا أكثر ولا أقل ومش مسامح أختي ولا أمي ولا أخواتي كلهم بجد على كل حاجة وصلوني ليها، أنا بجد بعد الست دي مفيش ست هتخش حياتي تاني وشكرًا أوي على الظروف.
وفي السياق ذاته، علقت يارا تامر على طلاقها من مطرب المهرجانات مسلم، والذي جاء نتيجة المشاكل الأسرية التي نشبت خلال الفترة الماضية منذ زواجهما.
وقالت يارا تامر في ستوري عبر حسابها على إنستجرام: تم الطلاق بيني وبين مسلم وبجد حسبي الله ونعم الوكيل فيكم ربنا ينتقم منكم، وأنا عارفه إني مكنش المفروض أطلع أتكلم بس أنا معنديش حاجة أغلى من كرامتي وشرفي قدام الناس.
وأضافت: أنا أهو بعدت يمكن ترتاحوا وتسيبوني في حالي، للعلم أنا من يوم ما اتجوزت مسلم كانت هي دي مشاكلنا غير كده مكانش فيه أي مشاكل بينا، وشهادة حق عمره ما زعلني وكان دايما واقف في ضهري بس أنا اتظلمت كتير ومش مسامحه.
