قال أحد أصدقاء عصام العزباوي، المتهم بقتل أطفاله الثلاثة في مركز نبروه بمحافظة الدقهلية، قبل أن ينهي حياته أسفل عجلات القطار، إن الخبر وقع عليه كالصاعقة، مؤكدًا أن الراحل كان إنسانًا طيبًا وملتزمًا ولم يتوقع أحد أن يُقدم على ما حدث.
أب يقتل أبناءه الثلاثة في نبروه
وأضاف: مكنتش أعرف والخبر وصلني من الأردن، ولقيت حد صاحبنا بيكلمني يقولي إيه اللي حصل لعصام.. ولقيته بيقولي إنه قتل ولاده.
وعن علاقة الراحل بزوجته الثانية، أوضح أن خلافاته مع زوجته الثانية كانت عابرة وسرعان ما كانا يتصالحان، قائلًا: كان زعل مع مراته عادي وراجعوا لبعض تاني.. وكان مبسوط منها لأنها بتعامل عياله كويس.
وأشار إلى الراحل فور الصلح مع زوجته وعودتها للمنزل اصطحبها مع أولاده لقضاء الإجازة الصيفية في مدينة رأس البر، قائلا: كانوا في رأس البر قريب هو ومراته وعياله وكانوا كويسين خالص.
وتابع: لا يتعاطى أي مواد مخدرة وآخره شرب السيجارة العادية فقط.. وكان حنين على ولاده جدًا ولسه كان مسافر معايا الأردن مخصوص علشان يبقى معاه فلوس ويشتري ليهم مستلزمات المدرسة.
واختتم حديثه معربًا عن صدمته من الحادث، قائلًا: أنا مش مصدق اللي حصل لحد دلوقتي.. وكان طيب وبيصلي ودايمًا يضحك.. هو مات وأخد سره معاه، وعياله كانوا روحه.
