تعرض زوج الفنانة ميار الببلاوي إلى وعكة صحية خلال الساعات الماضية، حيث أُصيب بجلطة وعلى إثرها خضع إلى عملية جراحية داخل أحد المستشفيات.
إصابة زوج ميار الببلاوي بجلطة وخضوعه لعملية جراحية
وتحدثت ميار الببلاوي عن تفاصيل إصابة زوجها بجلطة، حيث قالت: جوزي كان مسافر السعودية ودي بلده بيسافر هناك على طول، وأنا كان قلبي مقبوض قولتله متسافرش أنا مش مطمنة، رجعت من البرنامج كان عندي صداع خدت علاج ونمت، لقيت مدير أعماله بيكلمني وقالي إن جوزي تعب في الطائرة وراح العيادة بتاعة المطار وبعدين اتنقل المستشفى وعنده جلطة.
وأضافت: دي الجلطة رقم 3 هو كان مركب دعامات مرتين قبل كده، الجلطة للمرة الثالثة خطر جدًا، ادعوا له يرجعلي بالسلامة، أنا هموت علشانه ومش عارفة أسافر له لسه ورقي مخلصش، لو كان هنا كنت بقيت تحت رجليه، ولكن هو بعيد عني ومش عارفة أعمل إيه وهموت علشانه.
وواصلت ميار الببلاوي: من يوم فرح ابني مشوفتش يوم كويس، مشاكل وجوزي وقع مننا، ربنا يستر ويعديها على خير.
وفي وقت سابق، نشرت الفنانة ميار الببلاوي عبر حسابها على فيس بوك، صورة زوجها من المستشفى، إذ أشارت أنه خضع إلى عملية جراحية مؤخرًا في القلب.
