اتهمت فتاة تدعى مي محمد صلاح، من ذوي الهمم، أستاذا جامعيا بالتنمر عليها، حيث أشار إلى عكازها التي تستند عليه باستهزاء.
وقالت الفتاة لـ القاهرة 24: كنت رايحة أقدم دبلومة تربوي زي أي حد، لكن هو اعترض لأنه شايف إني لا أصلح إني أشتغل وبصلي باستهزاء، بدون ما يكون في أي نقاش بيني وبينه قبلها ولا أي حاجة.
خريجة من ذوي الهمم تتهم أستاذًا جامعيًا ببني سويف بالتنمر عليها: نظر لعكازي باستهزاء وقالي متصلحيش للعمل
وتابعت: مفيش سابق معرفة نهائي بيني وبين الدكتور، دي أول مرة أشوفه وأول مرة يشوفني.. قالي إنتي شايفة إن بمنظرك ده ينفع تشتغلي في التربية والتعليم، وبص على العكاز بتاعي.
واستكملت: استنيت بعدها 4 ساعات حد من الجامعة يتواصل معايا ونحل الموضوع لكن مكانش في أي تواصل، فاتخذت إجراء قانوني.. كنا ناويين نكتفي بالاعتذار من الدكتور لو تواصلت معانا إدارة الجامعة، وإن الدكتور يعتذر لي في وجود الناس اللي كانت موجودة وقت الواقعة، واللي قلل مني قدامهم لكن دا محصلش.
