شهد حي العرب في محافظة بورسعيد حادثًا مأساويًا يوم السبت الماضي، إذ نشب حريق في 4 منازل خشبية بشارع الحميدي، ما أسفر عن مصرع سيدة وإصابة 4 أشخاص آخرين.
حريق حي العرب في بورسعيد
وقالت إحدى شهود العيان التي تدعى هند، إن تفاصيل حادث الحريق تعود إلى يوم السبت الماضي، حينما كانت تباشر عملها داخل المحل الخاص بها في شارع الحميدي، وتفاجأت بعد ذلك بنشوب حريق في المحل المجاور لها.
وأضافت: كنت قاعدة وفجأة لقيت حريق في المحل اللي قدامي، وسمعت ناس بتصرخ من البيت اللي جنب المحل، وكان فيه صوت سيدة بتستغيث وعلى الفور كلمت الجهات المعنية وبلغت عن الحريق.
وأوضحت: على الفور وصلت قوات الحماية المدنية إلى موقع الحادث، ولولا وصول رجال المطافئ في الوقت المناسب لكان الوضع أصعب مما كان عليه، إذ أنهم تدخلوا في الوقت المناسب للسيطرة على الحريق.
واستكملت: كل اللي هاممنا إننا كنا نطفي الحريق وننقذ الناس، والحمد لله إن ربنا ألهمني حسن التصرف عشان أبلغ الإسعاف والمطافئ، خصوصًا إن النار مسكت في البيوت والمحلات ومنهم المحل بتاعي، وحقيقي المنظر كان صعب وربنا ما يوريه لأي حد، ومكنش فارق معايا المحل بتاعي وكان كل همي أنقذ الناس عشان مفيش حاجة تعوض روح الإنسان.
