دخلت الفنانة ناني سعد الدين في نوبة بكاء مؤثرة على الهواء، وذلك خلال مداخلة ببرنامج الستات مع الإعلامية مفيدة شيحة عبر قناة النهار، بعد تداول أنباء كاذبة عن مرورها بأزمة مالية وبيعها أثاث منزلها لسداد احتياجاتها.
وقالت ناني بصوت متهدج:”ليه الإهانة دي؟ وليه الناس تقول حاجة محصلتش؟ أنا لا بعاني من أي أزمة مالية، ومبعتش عفش بيتي. اللي اتقال كله إشاعات معمولة عشان التريند حتى لو بالكذب”.
وأضافت:”أنا مش محتاجة حاجة من حد، ولا عايزة حد يتكلم عليا. بتعرض لشتايم وتعليقات جارحة من غير ما أكون عملت حاجة. طول عمري قافلة بابي عليا ومش مؤذية حد”.
من جانبها، سارعت الإعلامية مفيدة شيحة لمساندتها قائلة:”كلنا معاكي وبنحبك.. إنتِ فنانة ليكي صوت جميل ووجود مميز. إحنا واقفين جنبك، ودايمًا نتمنى نسمع عنك كل خير وسلامة.”
