كشفت الفنانة ناني سعد الدين، تفاصيل معاناتها من عدم عرض أي أعمال فنية عليها للمشاركة فيها خلال الفترة الماضية، مما دفعها لعرض أثاث منزلها للبيع.
الفنانة ناني سعد الدين تروي معاناتها
وقالت الفنانة ناني سعد الدين في حوارها مع القاهرة 24: الوسط الفني دلوقتي بقي له ناسه.. وله ناس معينة، وممكن الفنان الواحد يشتغل في 4 أعمال طب ما تشتغل عملين وتسيب عملين لناس تانية.
وأضافت ناني: أنا بيجي عليا فترة بعيط من قلة الشغل لأني معنديش دخل ولا أجر شهري.. وبعول أطفال ولاد أخويا وأختي الله يرحمهم، بيجي عليا أوقات بيصعب عليا نفسي أوي أني مش لاقية شغل وببقي شايفة أعمال كتيرة شغالة ونازلة.. ولما بكلم حد في التليفون مبيردوش يردوا.. ودة سبب أني نفسي بتصعب عليا أني قاعدة في البيت واتنسيت.
وبخصوص عرض الفنان أثاث منزلها للبيع، علقت الفنانة ناني سعد الدين قائلة: أنا شغالة في الأثاث وبسترزق منه.. وده شغل زي أي شغل، واللي محتاج القطع يكلمني مباشرة.
