نجح منتخب مصر للأطفال بلا مأوى في الفوز بلقب بطولة كأس العالم للمشردين Homeless World Club، وذلك عقب تحقيق انتصارًا تاريخيًا على منتخب البرتغال بنتيجة 4 أهداف مقابل 3 في المباراة النهائية التي جمعت بينهما، في البطولة التي استضافتها ساحة بلدية أوسلو في النرويج.
منتخب مصر للأطفال بلا مأوى يتوج بكأس العالم
وأعرب اللاعب مصطفى شيكا، قائد منتخب مصر للأطفال بلا مأوى، عن سعادته الكبيرة بعد الإنجاز التاريخي الكبير الذي حققه المنتخب المصري.
وأضاف أنه يشعر وكأن حياته قد تغيرت للأفضل بشكل كبير خلال فترة مشاركته في بطولة العالم، معلقًا: حاسس إن حياتي كلها اتغيرت في الـ 12 يوم بتوع البطولة، نظرة حب الناس اللي حواليا ليا بتخليني مش عارف أعمل إيه من فرحتي.
وتابع: أنا والفريق بتاعي بقالنا 10 شهور بنتمرن وبنتدرب لحد الساعة 10 بالليل، وأنا طول عمري بلعب خماسي لكن اللعب الرباعي كان جديد عليا، الموضوع كان مقلق شوية واللعبة عايزة حد بيلعب كويس بدني، واللي بيجتهد وبيتمرن كويس ربنا بيكرمه على تعبه.
وأوضح اللاعب مصطفى شيكا أنه لم يكن يتوقع أن يفوز المنتخب المصري ببطولة كأس العالم، ولكن المحبة بين لاعبي الفريق كانت السبب الأول في ذلك، قائلًا: زي ما بيقولوا كده إحنا المصريين بندخل في الحيطة، خصوصًا إن كان فيه 50 منتخب من حول العالم مشارك في البطولة وقدرنا نتفوق عليهم.
واختتم حديثه: تعبت في حياتي وقضيت فترة كبيرة لوحدي بعد وفاة والدتي، ويمكن ده اللي ساعدني أوصل للي أنا فيه، ولعبي للكورة في الشارع كان سبب انطلاقي، تعبت وشقيت ومش مقتنع لحد دلوقتي إني كسبت بطولة كأس العالم، ده شرف كبير ليا ونفسي الناس تهتم بأي بني آدم تعب وحقق حاجة لبلده، وأحسن حاجة مفرحاني إني كتبت تاريخ لبلدي.
