كشف الشاب جون مايكل، أحد ضحايا مطاردة الواحات الجديدة، تفاصيل الحادث الذي وقع معه عندما حاول الدفاع عن الفتاتين.
وقال جون مايكل، عبر بث مباشر على القاهرة 24، إنه يعمل سائقًا مع شركة نقل، وخلال سيره على الطريق فوجئ بسيارتين تطارد إحداهما الأخرى.
وأضاف: لقيت عربية فيها شاب بتزنّق على عربية فيها بنتين، دخلت بينهم وعديت عربية البنات، وبعدها افتكرت الموضوع خلص ومشيت بعدها، لكن اتفاجأت إن عربية الشاب جاي بسرعة وخبط في عربيتي جامد من ورا، فركنت على جنب وفوجئت به بيخبطني تاني، وخبط بردو عربية البنات.
وتابع: العربية كانت هتتقلب بيا من شدة الخبطة بتاعته وهرب، ووقعت على الأرض مكنتش قادر أقوم، وروحت عملت تقرير طبي بالكدمات اللي اتعرضت لها، وحررت فيه محضر بقسم الشرطة.
واستكمل: الطريق مكانش فيه أي كاميرات مراقبة.. وأنا العربية اللي كنت سايقها بتاعة شركة النقل اللي بشتغل فيها، وهو دمّرها، ومش عارف أنا عملت له إيه عشان يعمل كده.. أنا كان كل همي إني أحاول أنقذ البنات علشان أنا عندي أخوات بنات ومقدرش أسيبهم في موقف زي دا.
